دجاج عالطريقة التركية :
دجاجة قطعيها 8 اجزاء .. او حسب ماتحبي
بالخلاط حطي 2 بندورة مع بصلة كبيرة و فلفل ملون 1 و حب هان وقرنفل وقرفة و1 ماجي وربع كاسة زيت زيتون و ملح وفلفل اسمر ومعلقتين دبس رمان ومعلقتين صلصة ومعلقتين لبن ومعلقة فلفل احمر صغيرة .. اخفقيهم كلهم وبنص الكمية تبلي فيهم الدجاج قبل بساعة وكل ماتطول افضل ..
بعدها بصينية حطي الدجاج وغطيها بورق فويل وحطيها بفن حامي لمدة ساعة او حسب الفرن من ساعة لساعة وربع ..
الخبز انا عملت تورتيلا بالبيت ممكن بخبز لبناني المهم خبز رفيع شوي. . ادهني وشو بباقي التتبيلة وحمصيه بالفرن .. بالتقديم بتحطي الخبز المحمص تحت والدجاج فوقيه وبتحمريه بالفرن ..
والف صحة وهنا
خبز التورتيلا كاسين طحين وملعقة صغيرة خميرة وملعقة كبيرة سكر ورشة ملح وملعقتين زبدة او زيت وكاس مية او اقل حسب نوعية الطحين .. بتحطي الخميرة والسكر والمية واتركيهم لتخمر بتضيفي باقي المكونات بتعجنيهم منيح وتتركيها ترتاح وتقطعيهم كور صغيرة وترقيهم دوائر متساوية وتخبزيهم ع قلاية تيفال ع الغاز
