حلويات

عمل كيكة الشوكولاة الطبقات في المنزل

مرحبا صبايا .. 


اليوم عملت الكم كيكة الشوكولاة الطبقات عملتها في البيت 
وراح انزللكم طريقتها بعد ما تشوفو الصور كمان 


نيجي للوصفة هلا : 

المكونات المطلوبة : 
4 بيضات + كاسة ونص حليب سائل عليهم م ك خل ابيض + كاسة زيت نباتي + كاسة ونص ماء مغلي عليهم نص م نسكافيه حسب الرغبة + معلقة كربونة + فانيلا وكاستين ونص طحين + كاسة وتلت كاكاو مر + 3 بكيت بيكنج بودر + رشة ملح وتقريبا 3 كاسات سكر

طريقة التجهيز :
طبعا بوعاء بنضيف المقادير الجافة الطحين والسكر والبيكنج بودر والملح والكاكاو وبعدين ال4 بيضات والفانيلا وبنحرك شوية بالمعلقة ومن ثم الحليب السائل وكاسة الزيت
واخر شي الماء المغلي وبنحرك بالمعلقة دقيقتين وبنسكب الخليط ياما صنيتين او 3 نفس الحجم
وبالفرن على درجة حرارة 180 بدهم تلت ساعة او اكتر شوية .
وبنقسمهم بالخيط وبكون عندنا 6 قطع بنسقيها قطر وسفن وبلوبري وكل قطعة بنحشيها كريمة وممكن جواها قطع فراولة او شوكلاته حسب ماتحبي
وطريقة الجناش كوبين كريمة سائلة مع كوب ونص شوكلاته خام اول شي بنغلي الكريمة بعدين بنطفي الغاز وبندير الشوكلاته حتى تدوب وقطعة زبدة للمعان وبنحطها فوق الكيكة


وهيك بتكون كيكتنا اليوم جهزت


وبقدر اقولكم صحة وهنا ..

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق

أنت تستخدم إضافة Adblock

لاستكمال التصفح داخل الموقع قم بإغلاق مانع الاعلانات, نشكرك لزيارتنا